Kwa muda mrefu hapa Tanzania kumekuwa na kutoeleweka ama wengine husema kwa ufupi tu kuwa haiwezekani kuchanganya muziki wa Taarabu/Mduara na hop hop na kwamba mchanganyiko huo hauwezekani.
Hizo hisia hazikuwa tatizo kwa rapper Darasa aliyechukua uamuzi wa kumpa shavu Shilole kwenye ngoma yake ‘Mikono Juu’ inayopatikana kwenye mixtape yake ya ‘Dream Big Chapakazi’, mchanganyiko ambao umetengeneza ngoma kali.
Lakini kumbe rapper huyo alifanya hivyo tu kwa kuwa aliona sio lazima kila siku kuwa serious kwa hiyo akaamua kutania tu kwa kumpa shavu ShiShi atupie melody za mduara kwa mbali kwenye ngoma hiyo.
Darasa amefunguka kwenye kipindi cha ‘The Jump Off’ cha 100.5 Times fm alipokuwa akiutambulisha wimbo wake, ambapo Jabir Saleh aka Kuvichaka alitaka kufahamu ngoma hiyo ni aina gani ya hip hop.
“Kwenye maisha hauwezi kuwa serious muda wote, sasa huu ndio muda wangu wa kutania na ndio maana nacheza na ndio maana nimeweka kwenye mixtape. Nikiwa serious narudi darasani na tunafanya mambo yetu yale.” Alifunguka Darasa.
Alipoulizwa kuhusu lengo lake la kuwakutanisha Shilole kwenye ngoma hiy, mkali huyo wa ‘Weka Ngoma’ alifunguka, “Nilikuwa nataka tofauti, as you can see umeona tofauti. Na tofauti niliyokuwa mimi, kwanza nilikuwa nachukua mashabiki wa Shilole na mashabiki wangu nawaweka kwenye chumba kimoja.
“Tunatengeneza familia kutoka kwa watu ambao tulikuwa hatufahamiani tunakaa chumba kimoja, marafiki wangu mimi na marafiki wa Shilole na Mchizi Mox sasa hivi wamekaa chumba kimoja wanatusikiliza.” Darasa alifafanua.
No comments:
Post a Comment