Rick Ross aurudia wimbo wa B.I.G 'You're Nobody Until Somebody Kills You', kushambuliwa kwa risasi ni chanzo cha idea yake

rap stars

Big boss wa MMG, William Roberts II aka Rick Ross ameamua kuirudia ngoma ya marehemu Notorious B.I.G ‘You’re Nobody (Until Somebody Kills You)’, moja kati ya nyimbo zilizokuwa katika album ya B.I.G ‘Life After Death’ ambapo aligusia kuhusu kifo chake.
Rick Ross amei-sample ngoma hiyo na kuiweka kwenye album yake ‘Mastermind’ inayotarajiwa kutoka rasmi December 17 mwaka huu.
Hivi karibuni Rozay aliwaalika studio baadhi ya bloggers na wataalam wa muziki na akawasikilizisha baadhi ya nyimbo zitakazokuwemo kwenye album hiyo.
Kwa mujibu wa mhariri wa Vibe, John Kennedy ngoma hiyo aliyoisample Rick Ross ilivuta usikivu zaidi, na kwamba katika ngoma hiyo anasikika akisema kuwa anahisi Biggie angeweza kuhusika na ngoma hiyo, kisha inasikika sauti ikiripoti kuhusu Rick Ross kushambuliwa kwa risasi January mwaka huu.
Baada ya hapo unadondoka mdundo wa wimbo wa Biggie ‘You’re Nobody (Until Somebody Kills You)’ na Rick Ross anaanza kuelezea kuhusu jaribio la kuuawa huku sauti yake ikiwa imewekewa effect inasikika kwa mbali kama ya Biggie.
Biggie aliuawa kwa kupigwa risasi ndani ya gari akiwa amekaa kwenye siti ya abiria mwaka 1997, jijini Los Angeles.