Exclusive: Linex kusaini mkataba na kampuni itakayosimamia muziki na ratiba ya maisha yake binafsi, 'sitaki u-manager wa kuombana hela'

rap stars

Mwimbaji wa ‘Kimugina’ Linex anatarajia kusaini mkataba na kampuni inayoendeshwa na vijana wa hapa Tanzania itakayosimamia kazi zake za muziki, lakini tofauti na management nyingi za Kibongo kampuni hiyo itasimamia hadi ratiba zake binafsi ikiwa ni pamoja na mitoko ya kawaida.

Linex ameiambia tovuti ya Times fm kuwa kwa muda wa miaka minne amekuwa akifanya kazi bila kuwa chini ya management yoyote kwa kuwa alikuwa hajapata manager anaemfaa.

“Unajua kuna point Artist unafika unakuwa hauwezi kuendesha kila kitu mwenyewe. Mimi nimeweza kuendesha muziki wangu bila kuwa na manager, na kitu kilichokuwa kina sababisha mimi nashindwa kuwa na management ni kwa sababu nilikuwa sitaki kuwa na manager ambaye mimi nakuwa namuomba pesa. Sikutaka kuwa na manager ambaye sijui namuomba pesa ya kufanya video.  Nilitaka manager ambaye mimi napokuwa na njaa na yeye anakuwa na njaa, ndo manager ninayemtaka.

Manager ambaye anajua Linex sasa hivi afanye nini, sehemu gani ambako ana soko anaweza kufanya biashara, ni sehemu gani ambayo Linex amefeli inabidi tupambane afanye wimbo mpya na ni audience wa aina gani Linex anawakosa. Huyo ndiye manager niliyekuwa namtaka.” Amesema Linex.

Msanii huyo anayeuwakilisha vyema mkoa wa Kigoma amesema leo ndio siku ambayo watakaa na kampuni hiyo kwa ajili ya kumalizia maongezi yao waliyoyaanza jana ikiwa ni pamoja na kile ambacho anakitaka yeye, kuwa na manager ambaye sio tu ataangalia muziki wake bali atacontrol ratiba binafsi ya maisha yake.

“Tulikuwa kwenye kikao jana na tumezungumza mambo mengi, kiasi kwamba tunachokisubiria sasa hivi ni kwamba natakiwa mimi nikae niandike rules zangu, yaani kwamba mimi nataka kufanya vipi kazi na hiyo kampuni. Na wao wataniambia kwenye hizo rules zangu ni zipi zinatakiwa ziwepo na zipi zinatakiwa zitoke.

“Yaani nataka kuwa na management ambayo ina-control hadi maisha yangu ya kawaida. Labda kwa mfano, Linex mwezi huu labda ulitoka ulienda sehemu flani, mwezi unaokuja wewe hutakiwi kwenda sehemu yoyote kwa sababu kuna biashara hii na hii kwa hiyo hutakiwi kutoka. Yaani niwe mtu wa studio, nimeenda gym nikitoka narudi nyumbani basi.”Amefunguka Linex.

‘Mama Halima hit Maker’ anataka hata mitoko yake ya kula bata kawaida iwe chini ya usimamizi maalum, “Hadi kutoka kwangu sio kwenda labda wapi wapi, nataka kwenda sehemu sijui kwa sababu mimi ni binadamu nataka ku-enjoy. Lakini nataka watu ambao wanaweza ku-control hadi maisha yangu. Sitaki manager miyeyusho, u-manager wa kuombana hela..na ndio maana nilipambana mwenyewe.”Amesema Linex.

Utamsikia kwa urefu Linex kwenye 'Bongo Dot Home' ya 100.5 Times fm, Jumamosi (November 16).